КОЦУР – У велькей сали Месней заєднїци у Коцуре Здруженє малинарох „Бачки малинаре” з Коцура стреду, 26. октобра орґанизовало преподаванє о малинарстве, на хторим присуствовали коло 30 терашнї и потенциялни малинаре.
На преподаваню дипл.инж. польопривреди Александар Радойчич, з подприємства „И-Зеолит” з Беоґраду, присутних поинформовал о уплїву зеолиту на жем и рошлїни – у продукциї малинох, польодїлстве и заградкарстве.
Преподаванє отримала и дипл.инж. польопривреди и защити Катарина Радонїч з Польопривредней фаховей служби Вербас, котра бешедовала о пририхтованю жеми, кредитох и субвенцийох у польопривреди, а потим и о хоротох и защити малинох.
Преподавателє одвитовали и на питаня присутних, а на концу предсидатель „Бачких малинарох” Виктор Ґрешак шицких поинформовал о дальших планох Здруженя, та дзе и як можу дойсц до пресади малини и з хторима хладзаньнями би могли сотрудзовац.