КОЦУР – У манастире часних шестрох служебнїцох у Коцуре тераз тирва реновиранє просторийох и у дворе, та уж положени нови облаки и дзвери, направена канцелария, виляти мосцик и дражки, а ушорена и електрична и водоводна инсталация.
Началнїца коцурского манастиру ш. Михаила Воротняк за Рутенпрес гварела же ше будинок манастиру обновює и пре потребу, понеже ше стретали з почежкосцами, алє и пре преславу 100-рочнїци приходзеня шестрох служебнїцох до Коцура, хтора будзе означена на коцурски Кирбай, 28. авґуста.
Трошки реновираня финансує Провинцийни манастир часних шестрох служебнїцох у Руским Керестуре, одкаль ше средства унапрямує за роботи у Коцуре, а попри майстрох, у роботи помагаю и людзе добрей дзеки, та шестри з других манастирох.
