РУСКИ КЕРЕСТУР – На керестурским теметове, вчера 15. юния, на Нєдзелю Шицких Святих на 17 годзин служена Панахида за шицких покойних.
Панахиду служели домашнї священїки парох о. Владислав Варґа и капеланє о. Владимир Медєши и о. Ярослав Варґа. Парох з тей нагоди здогаднул же ше на тоту Недзелю модлїме за шицких тих котрим ище потребне покутованє за уход до щешлївей вичносци. Надпомнул же ше модлїме за шицких наших предкох цо поховани на керестурским теметове, алє и за тих котрим ше нє зна гроба, цо настрадали у войнох.
Гоч була велька горучава було вельо присутних, а по заєднїцкей молитви опрез крижа у штред теметова, по жаданю, священїки ше модлєли и при поєдинєчних гробох.
