НОВИ САД – Рух горякох Нового Саду на пияток и соботу, 19. и 20. септембра, орґанизує єшеньски Новосадски кветови пияц опрез Спенса.
И того року орґанизаторе порихтали интересантни змисти. Буду презентациї и розгварки зоз фаховцами и продукователями на тему о реґенеративней польопривреди, а наймладши годни участвовац на едукативно-креативних роботньох.
У рамикох Новосадского кветового пияцу будзе и акция черанки старого паперу за саднїци, хтору реализую Инженєре защити животного штредку. Роботни час єшеньского Новосадского кветового пияцу: пияток од 8 до 19 годзин и соботу од 8 до пополадня.
У септембру кветови пияц будзе и 26. и 27. септембра, а будзе и кажди викенд у октобре: 3-4, 10-11, 17-18, як и 24. и 25. октобра.
Манифестацию Новосадски кветови пияц потримал Покраїнски секретарият за польопривреду, водопривреду и лєсарство.