БИКИЧ – На ютре, 19. юния, на швето Сошествиє Святого Духа, у Бикичу будзе отримана традицийна културно-туристична манифестация „Пришли нам Русадля”.
На 9 годзин парох о. Владимир Еделински Миколка у бикичскей церкви бидзе служиц Службу Божу, а на 13 годзин будзе отверанє штандох здруженьох женох, потим и ручних роботох у Етно-хижи.
У Доме култури на 14,30 годзин почнє концерт, на хторим наступя Жридлова шпивацка ґрупа „Стебнїчанки” зоз Стебнїку зоз Словацкей, аматере домашнього КПД „Иван Котляревски”, як и КПД „Дюра Киш” зоз Шиду и КПД „Драґутин Драґен Колєсар” з Бачинцох.
По законченю концерту будзе традицийне валянє – рубанє майского древка.
Орґанизаторе манифестациї КПД „Иван Котляревски”, Месна заєднїца Бикич, а того року и Туристична орґанизациая Шиду спомнуту манифестацию положела до свойого календару туристичних збуваньох у шидскей општини.