ВЕРБАС/САВИНЕ СЕЛО – Тих дньох ма почац виборна настава руского язика з елементами националней култури за школярох у Вербаше и Савиним Селу. З дзецми у Вербаше и надалєй будзе робиц учителька Славица Мали, а у Савиним Селу учителька Леона Олеар.
У Вербаше найвецей школярох на виборней настави руского язика будзе у Основней школи (ОШ) „Светозар Милетич”- 55, у ОШ „20. Октобер” 20, а у ОШ „Братство єдинство” 5 школярох.
У ОШ „Бранко Радичевич” у Савиним Селу на виборну наставу руского язика з елементами националней култури буду ходзиц 16 школяре.
(На фотоґрафиї нашо школяре у Вербаше у прешлим школским року).