БЕОҐРАД – Нєшка, 27. октобра, на 11 годзин у Сали „Борислав Пекич” Беоґрадского сайму, НВУ „Руске слово” на 61. Медзинародним сайме кнїжкох представи аж дзевец свойо найновши виданя.
У присустве дзепоєдних авторох, рецензентох и видавателя, на Сайме нєшка буду представени кнїжки „На крижней драги” Янка Рамача, „Гайзибан на шпарґу” Меланиї Римар, „Злагода” Серафини Макаї, „Мадярска Горнїца” Мирона Жироша, „Безсони ланцущок” Славици Шовш, „Капка ми ружа до ока” Звонимира Нярадия и „Шантовки” Миколу Шанту.
Тиж так, буду представени и кїжки хтори вишли концом прешлого и початком того тижня – „Славянски язик” Любомира Белея и „Сучасна українска драма” Людмили Попович и Надїї Мирошниченко
Як плановане, по тогорочну Културну манифестацию „Костельникова єшень”, у продукциї „Руского” вироятно будзе обявена и дзешата тогорочна нова кнїжка, наменєна дзецом – „Котульки и ґомбульки” Ирини Гарди Ковачевич.
Кнїжки по руски, як и других националних меншинох з Войводини, на Сайме кажди дзень мож видзиц на штанду Покраїнского секретарияту за образованє, предписаня, управу и национални меншини-национални заєднїци АП Войводини.