КОЦУР – У просторийох Месней заєднїци у Коцуре всоботу, 30. новембра, отримана Креативна роботня у орґанизациї Здруженя „Нашо огнїско щесцаˮ зоз Вербасу.
З тей нагоди орґанизаторе обдумали интересантни активносци през хтори шицким учашнїком роботнї приказали на яки способ мож декоровац медовнїки и мини пампушки. Присутним подзелєли и вецей рецепти по котрих найуспишнєйше можу приготовиц спомнути лакотки, а потолковали им и цикавосци вязани за саме декорованє.
Жени дзечнє участвовали у роботнї, черали искуства и по своїх идейох прикрашовали приготовени медовнїки и мини пампушки.
Креативна роботня проєкт Здруженя „Нашо огнїско щесцаˮ котри финансийно потримал Завод за ровноправносц полох АП Войводини, з цильом змоцньованя женох и женского поднїмательства.
