НОВИ САД – На Радио програми по руски нєшка на 12:30 годзин, емисия Горизонти.
У найновшей емисиї Горизонти будзе слова о о паркох. Европски дзень паркох ше означує 24. мая и тот дзень пошвецени националним парком и шицким желєним оазом хтори нас здогадую же треба чувац природу и стредок у хторим жиєме. Парки нє лєм места за одпочивок и шейтанє, алє су и дом велїм рошлїном и животиньом. Час препровадзени у природи приноши мир, здравє и нову енерґию, та прето треба вихасновац кажду хвильку буц на швижим воздуху.
Емисия Горизонти кажди пияток на 12:30 годзин на УКТ габох радия РТВ на 92, 100 и 107,1 мгг, а мож ю послухац и на одложеним слуханю на сайту Радио-телевизиї Войводини. Емисию пририхтує Єлена Дудаш.