РУСКИ КЕРЕСТУР – На остатнєй схадзки Одбору за службене хаснованє язика и писма Националного совиту Руснацох, хтора отримана 23. децембра 2025. року, медзи иншим, бешедоване и о кампанї за упис до окремного виберацкого списку и вирабяню рекламного материялу.
Предсидатель Одбору за службене хаснованє язика и писма проф. др Михайло Фейса послал текст явней поволанки:
„Одбор за службене хаснованє язика и писма Националного совиту рускей националней меншини розписує явну поволанку за участвованє на конкурсу за идейне ришенє, хторе Одбор будзе хасновац у периодзе по виходзенє термина за уписованє до Окремного виберацкого списку за виберанки за нове зволанє Националного совиту рускей националней меншини того року.
Идейне ришенє ше применї за виробок плакатох, флаєрох, билбордох у 6 општинох дзе руски язик у службеним хаснованю, видео-клипох и под.
Одбор вибере и наградзи авторку/автора найлєпшого ришеня зоз награду од 10.000 динари, хтори придзе у ПДФ-форми на е-адресу предсидателя Одбора за службене хаснованє язика и писма проф. др Михайла Фейси fejsam@gmail.com, або на е-адресу НСРНМ rusovit@mts.rs по 3. юний 2026. року.”