НОВИ САД – Видавательни план за 2025. рок – як и прешлих рокох, будзе прилагодзени средством. Лїстина од 25 рукописох и публикацийох подзелєна до шейсцох катеґорийох. Окрем за кнїжки за котри средства уж напредок финансовани з проєктох, або их обезпечели донаторе, рукописи других виданьох буду обявени у складзе зоз финансийнима можлївосцами, односно резултатами поточних конкурсох на котрих НВУ „Руске слово” будзе участвовац.
Медзи рукописами єст 9 за дзеци, дзе и главни проєкт репринт нїжки Мирона Будинския „Воденїчка на стриберним потоку”, за котри средства дозелєни зоз Буджетского фонду за национални меншини Влади Републики Сербиї.
За седем кнїжки уж напредок обезпечени средства (часточно, або цалком) од спонзорох, донаторох и зоз заєднїцких проєктох НВУ „Руске слово” зоз другима институциями и рускима орґанизациями, медзи котрима найвецей зоз Заводом за културу войводянских Руснацох.
І катеґория – рукописи редакциї Видавательней дїялносци за 2025. рок, котри ранґовали члени комисиї, односно Совиту видвательней дїялносци у хторим Ирина Гарди Ковачевич, Юлиян Тамаш, Ваня Дула:
1. Михайло Симунович – „После файронта” (у сотруднїцтве зоз Заводом за културу войводянских Руснацох, есеї и колумни)
2. Славомир Олеяр – „Шлїдом Русинох” (статї, едиция)
ІІ катеґория – рукописи литератури за дзеци едиция „Русалка” и едиция сликовнїцох „Заградка” часопису за дзеци „Заградка”:
1. Мирон Будински – „Воденїчка на стриберним потоку” (у сотруднїцтве зоз Буджетским фондом за национални меншини Републики Сербиї, репринт)
2. Ясмина Дюранїн – „Поняца” (роботна назва, сликовнїца за дзеци од 1 по 3 роки)
3. Анамария Рац – „Квеца” (сликовнїца)
4. Сашо Палєнкаш – „Шарканї и делфини” (шейсц театрални представи за дзеци)
5. Мелания Римар – „Смачни лакотки” (приповедки)
6. Владимир Дїтко – „Писнї за дзеци” (двоязична по руски и сербски)
7. Штефан Чакан – „Басни” (репринт, вибрани приповедки)
8. Златка Чизмар – „Швет приповедкох, сказкох и писньох”
9. Нада Дїтко – „Сказка о Мариї” и „Приповедка о медведзику” (приповедки)
ІІІ катеґория – рукописи медзиинституцийного сотруднїцтва НВУ „Руске слово” з другима институциями и орґанизациями (од значеня за установу):
1. „Саскачеван мой други дом – Панонски Руснаци на канадскей прериї” (у сотруднїцтве зоз Саскачеванским дружтвом рускей култури, зборнїк текстох)
2. Михайло Ковач – „Споменїца школи у Бикичу” (у сотруднїцтве зоз Заводом за културу войводянских Руснацох)
3. „Зборнїк текстох з Фестивала малих сценских формох ‘Дюра Папгаргаї’ – ‘Масонка II том’” (у сотруднїцтве зоз Матку – Дружтво Руснацох Нового Саду – Войводини и Заводом за културу войводянских Руснацох)
4. Дюра Латяк – „Руски народни театер ‘Петро Ризнич Дядя’ – 50 роки” (у сотруднїцтве зоз РНТ„Петро Ризнич Дядя“)
5. „Зборнїк 100-рочнїца руского друкованого новинарства 1924–2024” (у сотруднїцтве зоз Новинарску асоцияцию Руснацох)
6. „Зборнїк наукових роботох пошвецени проф. др Юлиянови Рамачови”, проф. др Михайло Фейса (у сотруднїцтве зоз Руску матку)
ІV катеґория – рукописи за младих у едициї „Жридла” и зоз часописом за младих МАК у едициї „MAKoff”:
1. Gumno 2025 – преклад по сербски поезиї и прози зоз зборнїкох „Гумно 1” и „Гумно 2”, ґенерациї котри творели од 1990. по 2020. рок (у сотруднїцтве зоз Заводом за културу войводянских Руснацох)
2. Михаела Еделински „У мено єшенї” (збирка поезиї за младих)
V катеґория – рукописи зоз предходних рокох:
1. Дюра Латяк – „Руски народни шпиванки на пожичени мелодиї” (позберани народни шпиванки)
2. Славко Роман Рондо – „Нєвимодлєни молитви” (поезия)
3. Сашо Сабадош – „Нулта симфония”, приповедки и други прозни експерименти.
4. Олена Планчак-Сакач – „Вибрантни круг слова” (поезия)
5. Славко Афич – „Дзе шпя и бавя ше дзеци” (поезия)
VІ катеґория – алманах-календар:
1. „Руски християнски календар – алманах за 2026. рок”. Публикацию ше реализує вєдно зоз Грекокатолїцку церкву.
Кнїжки котри нє буду реализовани у 2025. року, буду преруцени до плану за Видавательни 2026. рок.
Рукописи котри нє прилапени за видавательни 2025. рок, нєзадоволєли критериюми, або су нє закончени, нє буду друковани. Даєдни рукописи буду послати на доробок автором, або у консултациї зоз авторами войду до других проєктох за периодични, авдио, або онлайн публикациї НВУ „Руске слово”.