ШИД – На вчерайшей схадзки одборнїки Скупштини општини (СО ) Шид вигласали одлуку о Закончуюцим рахунку буджета Општини за 2020. рок з хтору утвердзени суфицит коло 10 милиони динари.
СО тиж розришела потерашнї Совит Месней заєднїци Ердевик и за поверенїка меновала Предраґа Сремчича зоз Ердевику, а прилапела и вименки програми дїлованя явних установох хторим локална самоуправа снователь пре скорей вигласани ребаланс општинского буджета.
Скупштина дала согласносц на кредитне задлужованє ЯКП „Стандард“ за набавку превозки за одвоженє шмеца, а вименєла и одлуку о сновану Совиту за здравє и други кадрово питаня з компетенциї локалней самоуправи.
Скупштина потвердзела мандат одборнїкови Браниславови Миличови (СНС) на упражнєте одборнїцке место, алє нє наведзене хторого одборнїка Милич заменєл и вон потим дал одборнїцку пришагу.
