ЖАБЕЛЬ – Явне комуналне подприємство „Чистота” зоз Жаблю обезпечело нови канти за шмеце, хтори безплатно буду подзелєни хасновательох у жабельскей општини.
Як гварел директор ЯКП „Чистота” Радомир Злоколица, безплатну канту може достац кажде ґаздовство и фирма хтори виплацели голєм половку за дотерашнї услуги одношеня шмеца. Кед нє сполнюю тото условиє, муши ше подписац контракт репрограмованю длуства за одношенє шмеца.
Канту мож превжац у просторийох ЯКП „Чистота” у Жаблю, а вецей информациї о тим на тел.: 021 / 2100-431.