На пондзелок промоция авдио-сказкох на язикох мешинох, медзи нїма и по руски

автор зам
1.1k Опатрене

НОВИ САД – Промоция проєкту „Ладочка – авдио сказки на язикох националних мешинох”, будзе отримана на пондзелок, 30. новембра, на 11 годзин у просторийох Новосадскей новинарскей школи (ННШ).

У продукциї ННШ креировани авдио-приповедки на мадярским, горватским, румунским, словацким и руским язику. Приповедки нашей писательки Меланиї Римар на тим авдио-запису чита Мая Зазуляк.

Шицки приповедки илустровани и преложени на сербски язик, а после промоциї буду доступни на сайту ННШ, дзе их родичи и дзеци годни превжац на свойо компютери, мобилни телефони, лєбо таблети.

Попри представяня авдио-сказкох на пейцох язикох, о творчосци за дзеци на язикох меншинох на промоциї будзе бешедовац писателька и новинарка редакциї на румунским язику Радо Нового Саду Ана Никулина Урсулеску, як и писателька и публицистка хтора твори на горватским язику Катарина Челикович.

Тиж так, о значносци авдио-формох литературних дїлох за шлєпих и слабодовидних будзе бешедовац предсидателька Городскей орґанизациї шлєпих и слабовидних особох Нови Сад Неза Дюркич.

Тот проєкт потримало Министерство култури и информованя Републики Сербиї.

ПОВЯЗАНИ ТЕКСТИ