ДЮРДЬОВ – Члени Месного одбору Здруженя пензионерох Дюрдьова всоботу, 21. марца отримали рочну Скупштину, на хторей поднєшени звити о роботи, трошкох у прешлим року, та плани роботи за тот рок.
У звиту о прешлорочних активносцох дюрдьовски пензионере визначели же за своїх членох обезпечели огриву и поживу по вигодних ценох, як и условия за друженя и спортски активносци хтори ше отримує кажду стреду и соботу. Прешлого року Здруженє орґанизовало и 6 єднодньово вилєти до манастирох и купельох и друженя з пензионерами з других местох, орґанизовани и здравствени препатрунки за своїх членох, та преподаваня медицинских роботнїкох о актуалних хоротох.
З подобнима активносцами Здруженє пензионерох Дюрдьова планує предлужиц и того року, алє и участвовац на спортских змаганьох у Врнячкей Банї у септембре, прияц госцох, колеґох з Горнього Милановцу, з котрима су уж велї роки збратимени.
На Скупштини були и госци з других местох.