СУБОТИЦА – У Дружтве Руснацох у Суботици, штварток, 22. януара отримана преслава Дня Руснацох на хторей присутних привитала предсидателька Дружтва Анамария Лендєр.
У Дружтве Руснацох гимну Боже правде и шветочну шпиванку Руснацох Браца Русини одшпивала Мишана жридлова ґрупа хторей дириґовала Диана Киш Мишколци.
Лендєрова визначела же тот дзень и здогадованє на 1751. рок Руснацом барз важни, а у емотивней бешеди визначела же рускей заєднїци загрожени идентитет пре миґрациї младих, мишани малженства, млади нє заинтересовани робиц у дружтвох и пестовац свой язик и културу. Тот тренд провадзи и Дружтво Руснацох у Суботици, алє же ше наздава же школяре хтори ходза на виборну наставу руского язика приходза з дзеку и порядни су на настави. Та вони буду дальши чуваре рускосци.
Штредком рока Дружтво Руснацох преслави 25 роки свойого иснованя.
