КОЦУР – По податкох зоз парохийних матрикулох у грекокатолїцкей парохиї Успения Пресвятей Богородици у Коцуре за 2025. рок зазначене же у тим року покресцени 24 особи, повинчани 10 пари, а поховани 35 особи.
Од вкупного числа покресцених, 14 дзеци до першого року старосци (7 хлапци и 7 дзивчата), пецеро дзеци од 1 до 7 рокох (троме хлапци и два дзивчата) и од 7 роки и старши покресцени пейц особи.
Кед слово о похованих, поховани 18 хлопи и 17 жени. Найстарши хлоп котри умар то Яков Орос (88 роки), а найстарша од женох Надица Сендерак нар. Уйфалуши (94 роки).
У 2024. Року у коцурскей парохиї покресцени були 19 особи, повинчани 7 пари, а поховани 25 особи.
Концом прешлого року грекокатолїцка парохия Успения Пресвятей Богородици у Коцуре чишлєла коло 2200 парохиянох.