РУСКИ КЕРЕСТУР – Госц проєкту „Активни жимски розпуст” у ОШ „Петро Кузмяк” вчера була дакедишня репрезентативна рукометна ґолманка Злата Паплацко, а отримана и роботня о гиґиєни.
Попри професора класней настави и рукометного тренера Славка Надя, котри з дзецми роби на рижних вежбох, дзецом рукометни технїки указала и Паплацкова, а предвидзене же на тренинґох будзе присиствовац ище на даскельо заводи.
Вчера була и едукативна часц спомнутого проєкту – о гиґиєни, хтору отримали професорки класней настави Мелания Рамач и Ясмина Сабадош.
На ютре у спортскей часци госц будзе и реномовани рукометни тренер з Червинки Милорад Влаїч, а проєкт „Активни жимски розпуст” за школярох нїзших класох будзе закончени 23. януара.