ШИД – Вчера опрез Културно образовного центру отримана явна презентация сепарацию шмеца у рамикох проєкта хтори пенєжно потримали Европска уния и влада Кральовини Шведскей.
Медзи 16 локалнима самоуправами у Сербиї и Општиан Шид хтора достала 3.601 белаву канту за папер, картони, пластику и метал як и 42 белави контейнери и 52 жовти контейнери за скло хтори буду положени до населєньох дзе ше находза будинки за биванє и школи, а тиж достата и превозка (камион) за транспорт сепаратних одруткох.
Присутни були представнїки Министерства за защиту животного штредку у Влади Сербиї потим представнїца амбасади Кральовини Шведскей у Беоґрадзе як и представнїки локалней самоуправи и ЯКП „Стандард”.
Тиж присуствовали и дзеци зоз ПУ „Єлица Станивукович Шиля” як и школяре основних и штредниї школох хтори и указали практично як треба роздвойовац одрутки до кантох и контейнерох.
