НОВИ САД – У Кино сали на Филозофским факултету (Др Зорана Дїндїча 2) на штварток, 17. новембра на 15 годзин, будзе преподаванє о сотруднїцте меншинских и векшинских медийох. Преподаванє отрима Ґвин Ниссен (Gwyn Nissen) на прикладу сотруднїцва двох меншинских и двох векшинских медийох зоз Данскей и Нємецкей.
Герор Медиа Поинт у сотруднїцтве зоз Центром за розвой меншинских и локалних медийох и Филозофским факултетом у Новим Садзе орґанизує серию преподаваньох наволаних Медиа Талкс (Media Talks) каждого штвартку у новембре у Кино сали на на Филозофским факултету.
Вецей о проєкту мож видзиц на тим сайту.
Зоз Медийскей аґенциї Герор Медиа Поинт наявене же до тераз уж отримани два преподаваня, а по конєц новембра будзе ище єдно на штварток 24. новембра, хторе отрима Мария Арнаутович зоз Босни и Герцеґовини на тему Меншински медиї и явни сервиси.
Покровитель случованя Покраїнски секретарият за културу, явне информованє и одношеня зоз вирскима заєднїцами и Управа за културу города Нового Саду.