Млади направели уметнїцки викрок

автор р. джуджар
672 Опатрене

РУСКИ КЕРЕСТУР – Вчера вечар, 12. децембра, Пакт Рутенорум у своїх просторийох представел першу часц проєкту „Процесуалнa ґалерия младихˮ.

На початку предсидатель Пакту Деян Павлович привитал шицких присутних, а потим Лара Петкович хтора участвовала у тим проєкту, представела свой малюнок за хтори идею нашла у приповедки Мирона Будинския „Воденїчка на стриберним поточкуˮ. Надалєй приповедала о своєй драги през ученє уметносци, о творчосци Салвадора Далия, Марка Ротка и Илиї Башичевич Босиля и приблїжела госцом уметносц вообще.

Млади ше после преподаваня предлужели дружиц и бавиц дружтвени бависка, а на друженє пришли и госци з Нового Саду.

Проєкт „Процесуална ґалерия младихˮ реализовани з потримовку Заводу за културу войводянских Руснацох, а вечар дружтвених бавискох з помоцу Роботного цела за младих Националного совиту Руснацох.

Пактовци два днї скорей, пияток 10. децембра по проєкту котри финансовала Општина Кула, у своїх просторийох орґанизовали Филмски вечар.

ПОВЯЗАНИ ТЕКСТИ