ШАБАЦ – Концом прешлого тижня у Шабцу отримана друга схадзка роботней ґрупи за виробок Предлогу Акцийного плану за витворйованє правох националних меншинох на котрим присуствовали представнїки националних совитох националних меншинох, министерствох и цивилного сектору Републики Сербиї, медзи котрима була державна секретарка Министерства за людски и меншински права и дружтвени диялоґ Олена Папуґа и Єлена Перкович спред цивилного сектору.
Акцийни план за витворйованє правох националних меншинох стратеґийни документ у рамикох прегваряцкого Поглавя 23 (Правосудство и основни права). У нїм буду поставени вецей активносци и индикатори з помоцу котрих ше провадзи напредованє держави на драги ґу Европскей униї.
Документ ма вкупно 11 поглавя꞉ Особне статусне положенє, Забрана дискриминациї, Подруче култури и медийох, Шлєбодна виросповеданя, Хаснованє язика и писма, Образованє, Демократска партиципация, Одвитуюца заступеносц припаднїкох националних меншинох у явних секторох и явних подприємствох, Национални совити националних меншинох, Економске положенє припаднїкох националних меншинох и Медзинародне сотруднїцтво.
Акцийни план би мал тирвац од 2022–2025. рок.
