РУСКИ КЕРЕСТУР – Младши катеґориї ФК „Русин” одбавели три пририхтуюци стретнуца у спортскей гали у Руским Керестуре процив екипи ФК „Лалить” и зазначели два побиди и єдно пораженє. Стретнуца бавели дзеци зоз 2, 3. и 4. класи.
Перше стретнуце бавели дзеци зоз 2. класи и зазначели побиду зоз резултатом 4:2. Ґоли за екипу Русина дали: Павле Виславски, Деян Шимко, Лени Грнчар и Стефан Зорич.
За екипу Русина 2. класи бавели: Павле Виславски, Лени Грнчар, Стефан Зорич, Иван Чапко, Марко Планкош, Деян Шимко, Дарко Чижмар, Марко Танович, Видак Ковачевич и Стефан Дорокхази.
Друге стретнуце бавели дзеци зоз 3. класи и зазначели пораженє зоз минималним резултатом 0:1. За екипу Русина зоз 3. класи бавели: Лука Тасич, Андрей Чижмар, Стефан Такач, Дориян Попович, Марко Еделински и Серґей Сабадош.
Треце стретнуце бавели дзеци зоз 4. класи и зазначели побиду зоз резултатом 3:2. Ґоли за екипу Русина дали: Тони Сивч два ґоли и Алекса Медєши дал єден ґол. За екипу Русина зоз 4. класи бавели: Давид Еделински, Страхиня Кршич, Тони Сивч, Лука Зелич, Алек Малацко, Славиша Свирчев, Алекса Медєши, Даниєл Кишюгас и Марян Стоянович.
Тренер – Зденко Шомодї.