НОВИ САД – Розписани конкурсу за нови руски театрални тексти за 24. Руски фестивал малих сценских формох „Дюра Папгаргаї” – 2026. Конкурс отворени по 15. юний.
Право участвовац на конкурсу за нови руски театрални тексти малих сценских формох маю шицки заинтересовани особи державянє Републики Сербиї як и странски державянє, з тим же иста особа може буц автор найвецей 2 (двох) текстох. На конкурсу нє можу участвовац члени конкурсней комисиї. Тексти хтори ше посила на конкурс нє шму буц уж обявйовани лєбо виводзени.
Тексти ше на конкурс посила по мейлу на: matka.drnsv@gmail.com зоз назначеньом: ЗА КОНКУРС, а може и по пошти, лєбо особнє на адресу: МАТКА – ДРУЖТВО РУСНАЦОХ НОВОГО САДУ – ВОЙВОДИНИ, за Фестивал „Дюра Папгаргаї” – 2026. Улїца Йована Суботича 8, 21000 Нови Сад.
Цали текст конкурсу, вецей информациї и инструкциї як послац тексти на конкурс опатриц на тим линку.
Шицки дополнююци информациї мож достац на число телефона +381 63 58-97-78, лєбо прейґ мейлу matka.drnsv@gmail.com.