РУСКИ КЕРЕСТУР – Остатня представа хтора будзе виведзена на тогорочним Драмским мемориялу Петра Ризнича Дядї будзе виведзена нєшка на 12 годзин у керестурскей Школи.
То представа за дзеци „Инсталуй и ти дїдов джи пи ти (GPT)” Руского народного театру (РНТ) „Петро Ризнич Дядя витворена по текстох Ирини Гарди Ковачевич и Славка Ороса, чия основна намира же би виратовала зоз забуца, зачувала и пояшнєла велї руски присловки, фрази и рижни словни конструкциї и стилски фиґури хтори млади ґенерациї, а окреме дзеци, уж вше менєй хасную, а хтори творя богатство нашого язика. У представи ґлуми Емил Няради, а режию подписує Владимир Надь Ачим.