НОВИ САД – У Конкатедралней церкви святих апостолох Петра и Павла внєдзелю, 31. мая означене Сошествиє Святого Духа – Русадля. На нєдзелю будзе Перша свята причасц и преподаванє на тему Церква и штучна интелиґенция.
Служби Божо на Русадля служел парох о. Дарко Рац, а церква була оквецена зоз желєнима конарчками. После служби було мированє и вимодлєни остатнї майови молебен до Пречистей Дїви Мариї.
Нєшка, 1. юния на други дзень швета Служби Божо буду на 10 и на 18 годзин, а после службох будзе мированє.
Од стреди, 4. юния, каждей стреди и пиятку у юнию, после служби на 18 годзин, будзе ше служиц молебен до Христа Человиколюбца.
На нєдзелю 7. юния у раншей служби на 10 годзин будзе Перша свята причасц до хторей приступя пецеро дзеци. Наявене и же ше з тей шветочней нагоди одпита од вироучительки Меланиї Римаровей, хтора нарок вецей нє будзе тримац виронауку.
На нєдзелю Службу Божу на 18 годзин будзе служиц о. мр Владимир Седлак, парох зоз Петровцох, а после служби вон будзе мац и преподаванє на тему Церква и штучна интелиґенция.