РУСКИ КЕРЕСТУР – Вирни керестурскей парохиї св. оца Миколая внєдзелу, 30. мая на швето Шицких святих, пополадню були на теметове дзе була и панахида за шицких покойних.
Панахиду служели домашнї сященїки парох о. Владислав Варґа и капелан о. Владимир Медєши. Парох о. Варґа у казанї потолковал же тота заєднїцка молитва за наших покойних то нашо подзекованє за живот котри нам прейґ нїх даровал Господ Бог.
На панахиди було вельо вирних Керестурцох, як и тих цо жию у других местох, алє ше пришли помодлїц за своїх милих. Прешлей соботи, 23. мая у керестурскей парохиї була пията Задушна собота, остатня у тогорочним циклусу молитвох за покойних парохиянох, а шицко ше закончує зоз Панахиду на теметове.
