29. ДЕЦЕМБЕР – На нєшкайши дзень народзени Чарлс Ґудиєр.
1800 – Народзел ше пренаходзач Чарлс Нелсон Ґудиєр (Ню Гейвен, ЗАД, 29. децембер 1800 – Нюйорк, 1. юлий 1860), хтори 1839. року пренашол процес вулканизациї кавчуку, а патент достал 15. юния 1844. року. Його пренаходок допринєсол розвою индустриї ґуми, окреме продукциї автомобилских ґумох, и гоч анї вон анї нїхто зоз його фамелиї нїґда нє бул у даякей вязи зоз компанию ґумох Ґудиєр (Goodyear Tire and Rubber Company), хтора ма його мено.
1920 – Влада Кральовини СГС зоз Обзнану забранєла роботу Комунистичней партиї Югославиї.
1921 – Народзел ше писатель Добросав Чосич, познати як Добрица Чосич (Велика Дренова, при Трстенику, 29. децембер 1921 – Беоґрад, 18. май 2014) бул югославянски писатель и академик и перши предсидатель Союзней Републики Югославиї.