СРИМСКА КАМЕНЇЦА – У 16. колу Другей новосадскей лиґи, у першим стретнуцу ярнєй часци першенства, всоботу, 7. марца на стадиону у Сримскей Каменїци було стретнуце медзи Фодбалским клубом Стражилово и Фодбалским клубом Бачка 1923 зоз Дюрдьова.
Стретнуце закончене зоз резултатом 1:1, а ґол за Бачку у 85. минути дал нови бавяч у екипи, Дюрдьовчан Стефан Максимович. На стретнуцу додзелєни два жовти картони, достали их Бачково фодбалере, Стефан Деянович у 43. минути и Любомир Тривунович у 72. минути.
После того стретнуца, ФК Бачка 1923 на таблїчки забера шесте место з 29 боди. Шлїдуюце стретнуце дюрдьовски фодбалере одбавя на домашнїм терену зоз ФК Обилич зоз Вилова, котри предостатнї на таблїчки и ма пейц боди. Стретнуце будзе на нєдзелю 15. марца, на 15 годзин.