24. АПРИЛ – Нєшка Медзинародни дзень защити лабораторийних животиньох.
1792 – Французки капетан Клод Жозеф Руже др Лил компоновал Марселєзу, хтора познєйше постала гимна Французкей.
1904 – Народзел ше голандско-америцки маляр Вилем де Кунинґ (Ротердам, Голандия, 24. април 1904 – Хемптон, ЗАД, 19. марец 1997), снователь абстрактного експресионизма.
1967 – У Беоґрадзе отворена перша дискотека у Югославиї.
2023 – У нєпогоди з дижджом и гирменьом тресло до годзини на турнї Катедралней церкви св. оца Миколая у Руским Керестуре. Очкодована була елетрична инсталация за дзвони, прецо дзвони нє дзвонєли и станула годзина, а чкоди од грома було и на парохийним будинку.
2024 – У Заводзе за културу войводянских Руснацох у Новим Садзе отримани вечар пошвецени Гавриїлови Костельникови. З тей нагоди означени два значни рочнїци: 120 роки од обявйованя першей кнїжки уметнїцкей поезиї на руским народним язику – идилского венца З мойого валала (1904) и 100-рочнїца од обявйованя першого ориґиналного драмского твора по руски – Єфтайова дзивка. Автор обидвох творох бул др Гавриїл Костельник. О кнїжкох и живоце и творчосци др Гавриїла Костельника бешедовали: академик Юлиян Тамаш, проф. др Дюра Гарди и доц. др Ана Римар Симунович.
Нєшка Медзинародни дзень защити лабораторийних животиньох (World Day For Animals In Laboratories).