РУСКИ КЕРЕСТУР – За школярох основней и штреднєй школи у Руским Керестуре, стреду, 22. априла у лєшику бул отримани ярнї крос.
На кросу вкупно бежали коло 440 дзеци, од чого 270 зоз основней школи, док 170 школяре були зоз штреднєй школи.
Як и каждого року, перше бежали школяре од першей по штварту класу, потим школяре од пиятей по осму, а на концу бежали школяре штреднєй школи – ґимназиялци.
На преглашованю, по пияте место зоз каждей класи школяре достали дипломи, а перши три места достали и награди.
Дражку у лєшику за бежанє пририхтало ЯКП „Руском” зоз Руского Керестура.
