ВЕРБАС – Аґенция за безпечносц у транспорту орґанизує викладаня под назву „На матуру без авта”, єдно таке було отримане и у Штреднєй фаховей школи „4. юлий” у Вербаше, а участвовали и матурнати Ґиманзиї „Жарко Зренянин”.
Викладанє отримане мантурантом тей школи, бешедовали фахово особи, и особи котри остали инвалиди после транспортних нєщесцох. После теорийного викладаня, розгварки и черанки искуствох, матуранти могли участвовац у практичних активносцох симулованя транспортних нєщесцох.
На симулацийох за даскельо годзини участвовали аж 412 школяре, цо наисце одушевело орґанзаторох, и як потолковали таке число на другим месце после викладаня у Новим Пазару.
У фокусу викладаня були штири найчастейши гришки младих вожачох у транспорту: воженє под уплївом алкоголу, прейґмирна швидкосц, хаснованє мобилного телефона и нє хаснованє сиґурносного ременя.
Викладанє отримане зоз потримовку локалней самоуправи, прейґ єй Совиту за координацию роботох безпечносци транспорту.