РУСКИ КЕРЕСТУР – Донирац за дзецинске бавилїще на фодбалским стадиону „Яраш” мож ище нєшка до 13 годзин, а потим донаторска кампаня будзе заварта.
Най здогаднєме, УО ФК „Русин” прешлого тижня порушал донаторску кампаню за правенє дзецинского бавилїща, прейґ краундфандинґ сайту зоз планом и проєктом вредносци 350.000 динари.
Гоч плановане же кампаня будзе тирвац 60 днї, средства назберани у барз кратким периодзе, тераз єст уж донирани 390.000 динари, а орґанизаторе обвисцую шицких заинтересованих же кед сцу донирац, можу то зробиц ище нєшка до 13 г.
Як наглашел УО, шицки пенєжи буду вихасновани плански и оправдани, а дзекуюци тому же єст вецей динари, будзе вецей и поробене. Донирац мож на тим ЛИНКУ.