РУСКИ КЕРЕСТУР – Вовторок, 2. юния у Марийовим святилїщу – Водици бул Завитни дзень по юлиянским календаре.
Службу Божу предводзел парох коцурски о. Владислав Рац, а сослужели парох керестурски о. Владислав Варґа, парох кулски о. Дамян Кича, ЧСВВ, парох индїйски и помоцни керестурски капелан о. Михайло Шанта, капелан о. Ярослав Варґа и коцурски капелан о. Иван Дацешин.
На Служби було вельо вирних, углавном зоз Коцура, а дзень пред тим шесцеро паломнїки зоз Коцура пришли пешо до Водици.
На концу бул обход коло Водицовей церкви з читаньом Евангелийох, благословом и многолїтствийом, а вирни могли циловац мощи грекокатолїцких священомученїкох и помодлїц ше.
