НОВИ САД – У новим, 23. чишлє новинох Руске слово у рубрики Тижньовнїк мож пречитац о тим як на схадзки Одбору за културу НСР розподзелєни средства по конкурсу ресорного Покраїнского секретарияту.
На бокох Нашо места текст о конститутивней схадзки СО Кула на хторей вибрана предсидателька СО Кула Весна Томич, а рубрика Економия приноши текст о Дєрдьови Ганцкови зоз Кули хтори на Медзинародним польопривредним сайме представел сафолк овци.
На Култури и просвити зазначене же у Бикичу отримана Манифестация „Пришли нам Русадля” и стретнуце студентох Филозофского факултету зоз Ирину Гарди Ковачевич. У рубрики Людзе, роки, живот стретнуце зоз учительку руского язика Славицу Мали, а о трох ювилейох рускей ґимназиї писане на бокох рубрики Држтво.
Духовни живот пише о Завитним дню у Водици и о преславеним швету Сошествиє Святого Духа у наших парохийох. На Спорту мож пречитац вецей теми о успихох наших спортских клубох.
Додатки у тим чишлє Мозаїк и Дикица, док на Горуцих тепшох рецепт за сируп зоз габзи.