НОВИ САД – У Аули Новосадского сайма на соботу и нєдзелю 12. и 13. октобра будзе отримани дзешати Саям за пензионерох, а слоґан тогорочного сайма „За безбрижну старосц”.
През два днї нащивителє годни присуствовац на едукативних и забавних змистох, а окремна увага будзе на совитох лїкарох и превенциї хоротох.
На штандох буду представени велї медицински, фармаколоґийни, поживово и други продукти за старши особи. Ґу тому буду орґанизовани и активносци зоз обласци социялней защити, помоци и допатраня у обисцу, здравя, едукациї, волонтираня, здравого костираня, спорту, рекреациї и гобиї, творчосци, путованя, зоз обласци осиґураня и безпечних финансийох, як и правней защити.
Уход на саям ше нє будзе наплацовац.
Роботни час Сайма за пензионерох од 10 по 18 годзин, а шветочне отверанє будзе на соботу на 13 годзин.
Партнере у орґанизованю Сайма: Здруженє пензионерох Нового Саду и Дом здравя Нови Сад. Орґанизатор: СНАР Ґруп, а Новосадски саям партнер случованя.