КУЛА – Пракса приєму гражданох предлужує ше и у мандату першей предсидательки у историї општини Кула др Весни Томич. Приєми ше будзе отримовац штвартками од 10 по 12 годзин у кабинету предсидательки, у Ленїновей улїци число 11. Приєм мож заказац на число телефона 025/751-113, як и прейґ мейлу: kabinetpredsednika@kula.rs .
Най здогаднєме, др Весна Томич за предсидательку општини Кула вибрана на схадзки Скупштини општини Кула 1. юния зоз 20 гласами за и 17 процив. Истого дня окончене и примопридаванє длужносци у кабинету предсидателя, кед потерашнї предсидатель Дамян Милянич Томичовей винчовал на вибору, уручел пригодни дарунок и пожадал єй вельо щесца и успиху у дальшей роботи.