ПЕТРОВЦИ (ГОРВАТСКА) – У Етноґрафскей збирки будзе отримана традицийна манифестация Обичаї нашого народу Валянє майского древка Маялос, на нєдзелю, 7. юния на 17 годзин.
З тей нагоди ше означи и вецей ювилеї: 195 роки приходу Руснацох до Петровцох и Горватскей, 190-рочнїца Грекокатолїцкей парохиї у Петровцох, 55-рочнїца часопису Наша думка и 100 роки як виведзена перша театрална представа у Петровцох.
У програми буду участвовац хлопска шпивацка ґрупа КУД Йоаким Гарди зоз оркестром и КУД Осиф Костелник Вуковар.
Манифестацию орґанизує КУД Йоаким Гарди Петровци, под покровительством Совиту за национални меншини Републики Горватскей, Општини Боґдановци и Союзу Руснацох Републики Горватскей.