КОЦУР – Школяре зоз Основней школи Братство єдинство участвовалина Конкурсу за школярох основних школох Наш вояк, наш герой хтори розписали Министерство одбрани и Министерство просвити, а того року тема була Сербске войско на Крфу. Медзи младшима авторами у катеґориї подобовей култури наградзена и школярка Лара Няради.
Припознаня и награди у Дому войска Сербиї, концом априла, школяром уручели представнїк Министерства просвити, науки и технилоґийного розвою Иван Чилерджич и окончователь длужносци помоцнїка министра одбрани за людски ресурси Синиша Радович, а учашнїком повинчовал и министер одбрани Републики Сербиї Братислав Ґашич.
Школярка I/3 класи зоз ОШ Братство єдинство Лара Няради достала награду за треце место у у катеґориї подобовей култури, а менторка єй була Мария Полдруги.
