ВЕРБАС – На уж традицийней шветочносци у Скупштини општини Вербас тих дньох уручени награди найлєпшим спортистом, тренером, спортским роботнїком и клубом у 2014. року. Найлєпших вибрала комисия Союзу спортох, а попри плакетох и дипломох, лауреати достали и пенєжни награди.
За найлєпшого спортисту у вербаскей општини шестираз преглашени кик-боксер Любо Яловий, а найлєпша спортискиня плївачка Ивана Чолакович.
Найлєпша млада спортискиня у тим року кошаркашка Маша Янкович, а найлєпши млади спортиста плївач Лука Еракович. Трецираз, за найлєпшого тренера вибрани тренер Кик-бокс клубу „Вербас” Душан Килибарда, а исти Клуб преглашени за найлєпши колектив у индивидуалних спортох.
Специялну плакету за доприношенє розвою спорту достал Душан Наумов зоз Штреляцкого клубу „Вербас”, специялну плакету за розвой женского рукомету достал Женски рукометни клуб „Вербас”, за найлєпши колектив у хлопскей конкуренциї преглашени Рукометни клуб „Вербас”, а у женскей Женски кошаркашски клуб „Вербас Медела”.