На Фестивалє русинскей култури нєшка отверанє вистави нашого Заводу

автор зам
1.1k Опатрене

СВИДНЇК (СЛОВАЦКА) – У Доме култури у Свиднїку нєшка 27. мая, у рамикох Штвартого Фестивалу русинскей култури будзе отворена вистава Заводу за културу войводянских Руснацох (ЗКВР) з назву „Национални костим Руснацох у циклусу животних обичайох”. На вистави буду виложени знїмки Будинскових фотоґрафох з Руского Керестура.

Виставу, чийо отверанє нєшка будзе на 14 годзин, пририхтали етнолоґ др Миряна Дєкич и историчар Любица Отич, а стари фотоґрафиї з неґативох зоз скла скенировал и обробел фотоґраф Неделько Маркович. Дизайн вистави подписує историчар уметносци Деян Радованович.

На отвераню вистави на Русинским фестивалє буду присуствовац и предсидатель Националного совиту (НС) Руснацох Славко Рац, предсидатель Вивершного одбору НС Желько Ковач, членїца НС и предсидателька його Одбору за културу Ґабриєла Саянкович, член НС и предсидатель його Роботного цела за младеж Сашо Сабадош и директор ЗКВР Серґей Тамаш.

 

ПОВЯЗАНИ ТЕКСТИ