СРБОБРАН/РУСКИ КЕРЕСТУР – Рукометашох РК Русин з Руского Керестура у приятельским змаганю 16. марца, за нїтку надбавели процивнїки з РК Србобран, а резултат бул 33 наспрам 31 за домашню екипу.
Гоч керестурски бавяче цали час були лєпши, остатнї дзешец минути домашнї превжали бависко и победзели.
За РК Русин наступели Славко Гербут, Мирослав Виславски, Неманя Стойков, Петар Пирожек, Борис Югик и Филип Тома. Очежуюце Русиновцом було же на змаганю мали лєм єдну замену, а ище вше нє маю анї правого тренера.
Змаганє у Србобрану було єдно з пририхтуюцих пред початком ярнєй часци першенства у III рукометней лиґи – сивер, котра ма почац у априлу.