Файта животинї: Патулькасти заяц

Як мено вашому любимцови? Хто му вибрал мено?

Нашому любимцови мено Еш. Вєдно зме вибрали мено.

Кельо ма роки?

Еш ма коло два роки.

Як вон випатра? Можеце го описац?

Заяц кафовей фарби. Шерсц на глави, хрибту, ухох и лабох чарно-кафова. Брух и долня часц хвоста били.

Цо твой любимец найволї робиц?

Люби грисц картон, мур и древо. Мали є чкодлївко, алє ми го барз любиме. Люби цицац балон.

Зоз чим го кармице?

Найволї єсц мархви, яблука и лїсце лампащикох.

Як ше з нїм бавице?

Руцаме лабдочку, а вон ю оганя. Люби ше скриц, вец го ми доволуєме и глєдаме. Як кед бизме ше бавели на джмурки.

Можеце виприповедац даяку шмишну ситуацию зоз нїм?

Ми биваме у квартелю и то його дом. Думали зме же ше погубел телевизор и поволали зме майстра. Наш телевизор бул у шоре, лєм Еш прегризол шнури. Шицки зме ше шмеяли и нє були зме нагнївани на заяца. Люби бегац и шлїзкац ше по паркету, та випатра як коцка ляду.

Чи бисце препоручели и другим дзецом же би себе набавели такого любимца и прецо?

Гей, цихи є и люби ше розмазовац.

Маце дома ище даяки животинї?

Маме пшичка у баби у Коцуре. Мено єй Шери.