ДЮРДЬОВ – У Основней школи „Йован Йованович Змай”, на пияток, 5. юния будзе святочно преславена мала матура.
На преслави, котра почнє на 19 годзин у школским дворе, по традициї, школяром буду додзелєни дипломи и припознаня, а будзе преглашени и школяр ґенерациї.
Матуранти одтанцую святочни танєц котри зоз школярами пририхтали наставнїки, а потим почнє преслава у голу школи дзе ше за малих матурантох, їх наставнїкох и учительох пририхта святочну вечеру и музику.
На пол ноци будзе огньомет зоз чим ше закончи преслава осемрочного школованя ище єдней ґенерациї.