СУБОТИЦА – Дружтво Словенцох Триґлав зоз Суботици, штварток, 4. децембра у Читальнї городскей библиотеки орґанизовало СУМУС – Стретнуце националних меншинох, крачунски концерт на хторим ше представели шпивацки ґрупи зоз КУД-ох хтори робя у тим варошу.
На концерту кажда национална меншина ше представела зоз новорочнима шпиванками, рецитациями, та наступело и Дружтво Руснацох зоз Суботици, здруженє Личанох, мадярске здруженє, греческе, горватске, бунєвске, сербско-росийске, нємецке и словенске.
Шпивацкей ґрупи Дружтва Руснацох дириґовала Диана Киш Мишколци, а одшпивали коляду Вифлеєми новина, Бог ся раждаєт, Спи Исусе спи, а на нонцу шицки учашнїки одшпивали познату коляду Циха ноц, кажде на своїм язику, а вец вєдно по горватски.
