РУСКИ КЕРЕСТУР – Ришує ше проблем зоз влагу у Огньогасним доме, а до Дому здравя ше уводзи ґаз.
На Огньогасним доме тих дньох почали роботи на ришованю проблему влаги у цалим будинку. Подрезованє мурох и поставянє гидроизолациї окончує фирма зоз Зомбора, роботи би требали буц закончени о тидзень, а финансує их Доброзечне огньогасне дружтво зоз власних средствох.
Источашнє ше за Домом здравя зоз баґером копе за ґаз. Як Рутенпрес дознава, и тоти роботи би требали буц закончени о тидзень.
