ШИД – На схадзки Скупштини општини (СО) Шид, хтора отримана вчера 27. фебруара, одборнїки прилапели звити о роботи шицких 19 Месних заєднїцох на подручу општини за прешли 2025. рок.
Як визначела вивершителька за питаня Месних заєднїцох у Општинскей управи Сладяна Мерданович, од планованого буджету од 69.259.000 динари, Месни заєднїци влонї потрошели 56.261.436 динари або 81,23 одсто.
СО тиж розришела потерашню окончовательку длужносци директора Музею наивней уметносци Илиянум Йовану Бакайлич, прето же єй прешол мандат 3. марца, а потим за директорку тей установи култури менована Йована Бакайлич.
