НОВИ САД/ЛИПАР – Екипа Искри одбавела за два днї два пририхтуюци стретнуца. Перше, всоботу, 21. фебруара, одбавене у Новим Саду зоз екипу ФК Ветерник, а друге стретнуце одбавене у Липару внєдзелю, 22. фебруара зоз екипу ФК Липар.
Екипа Искри на госцованю у Новим Садзе страцела, док на ище єдним госцованю у Липару, одбавела нєришено.
1. ФК Ветерник – ФК Искра – 5:1. Ґол за екипу Искри дал Милорад Ваяґич.
2. ФК Липар – ФК Искра – 3:3. Ґоли за екипу Искри дали: Зоран Сердар, Марко Неделькович и Саво Прелевич.
Екипа Искри шлїдуюце пририхтуюце стретнуце, „ґенералку”, будзе бавиц у Коцуре, на нєдзелю, 1. марца, процив екипи ФК Фрушкогорски Партизан зоз Буковцу.
