ЖАБЕЛЬ – Конкурс за додзельованє безплатних дзецинских автошедзискох родичом котри буду присуствовац на, тиж безплатней, едукациї о їх хаснованю розписани вчера, пиярок 27. фебруара.
Конкурс розписали Општинска рада Општини Жабель и Совит за безпечносц у транспорту општини, у сотруднїцтве зоз Аґенцию за безпечносц у транспорту Републики Сербиї.
На Едукациї можу присутвовац шицки заинтересовани без приявйованя, а прияву за безплатне автошедзиско можу поднєсц родичи за перше дзецко котре народзене у периодзе од 1. януара 2024. року по 31. марец 2025.року.
Условия; же би голєдм єден з родичох мал пребувалїще на териториї општини найменєй два роки, же дзецко першонародзене при обидвоїх родичох, же голєм єден од родичох власнїк авта и же би ше присуствовало на орґанизованей едукациї за правилне хаснованє автошедзиска котре орґанизую Општинска рада Општини Жабель и Совит за безпечносц у транспорту општини, у сотруднїцтве зоз Аґенцию за безпечносц у транспорту Републики Сербиї.
Зоз пополнєтим формуларом котри мож достац у Општинскей управи треба принєсц вожачке дошлєбодзенє и особону карточку котру вам очитаю у Општинскей управи, а надлєжни орґан, по службеней длужносци прибави и вивод з матичней кнїжки народзених за дзецко.
Прияви треба придац до Шалтер сали Општинскей управи Жабель або послац на адресу, Николи Тесли 45, Жабель зоз назначеньом – „Явна поволанка за едукацию за правилне хаснованє автошедзискох”.
Термин за приявйованє 31. марец по 15 годзин. Явна поволанка обявена на огласних таблох у општини, месних канцеларийох и на сайту општини.