ЖАБЕЛЬ – Початком того тижня, вовторок, 24. фебруара представнїки Општини Жабель розподзелєли буджетски средства за финасованє и софинасованє порядней програми зоз обласци спорта за 2026. рок орґанизацийом и клубом котри члени Спортского союзу општини, а на основи конкурсу котри розписани прешлого мешаца.
На уручованю контрактох були предсидатель, Урош Раданович и предсидатель Спортского союзу Општини Жабель, Марко Милетич. Уручене вукупно седемнац контракти и розподзелєне 10 милиони 800 тисячи динари, а средства достали и ФК Бачка 1923 зоз Дюрдьова и ФК Єдинство зоз Ґосподїнцох, котри достали по милион и 340 тисячи динари, док фодбалски клуби ЖСК зоз Жаблю и Гайдук зоз Чуроґу достали по двасто тисячи вецей.
Проєкт „Спорт за шицких” Спортского союзу Општини Жабель и його окремна програма охарактеровани як проєкт од окремней значносци за локалну заєднїцу за цо видвоєне ище 7 милиони 400 тисячи динари.
